Activities calendar

Humanitar atəşkəs rejiminə əməl etməyən Ermənistan silahlı qüvvələrinin bölmələri yenidən qruplaşma və yerdəyişmə apararaq cəbhənin bəzi istiqamətlərində kiçik qruplarla Azərbaycan Ordusunun mövqelərinə basqın etməyə cəhd göstərib.

AZƏRTAC-a Müdafiə Nazirliyinin mətbuat xidmətindən bildirilib ki, oktyabrın 12-dən 13-nə keçən gecə cəbhənin Ağdərə-Ağdam və Füzuli- Hadrut istiqamətlərində ümumi vəziyyət gərgin olaraq qalıb.

Oktyabrın 11-də Ermənistan hərbi qüvvələri tərəfindən Gəncə şəhərinə raket atılması və nəticədə 9 mülki şəxsin həlak olması, eləcə də 35 şəxsin, o cümlədən azyaşlıların yaralanması ilə bağlı Azərbaycan Respublikasının Niderland Krallığındakı Səfirliyi tərəfindən Niderland Xarici İşlər Nazirliyinə, parlamentə, siyasi partiyalara, ölkədə akkreditə olunmuş diplomatik nümayəndəliklər və beynəlxalq təşkilatlara, insan hüquqları sahəsində fəaliyyət göstərən QHT-lərə, KİV-lərə və Azərbaycan icmasına məlumat verilib.

Ermənistan Silahlı Qüvvələri atəşkəs rejimini hər ötən gün daha açıq şəkildə pozmaqda davam edir. 13 oktyabr səhərə yaxın Tərtər rayonu ərazisinə 2 raket zərbəsi endirilib. İtkilər barədə məlumat yoxdur.

Dağlıq ərazilərdə mövqe tutan erməni terrorçuları ərazilərimizə daldanacaqlar, dəmir-beton konstruksiyalı mövqelərdən atəş açır, raket zərbəsi endirir və qaçıb gizlənirlər. Ermənilərin gecə hucumuna Azərbaycan ordusunun hissələri qarşılıq verərək düşmənin atəş nöqtələrini hədəf alıb və susdurub.