Activities calendar

Azərbaycan və Türkiyənin milli tarixlərində olan bütün nüanslar ortaqdır. Bu həqiqəti iki qardaş xalqın ortaq dəyərləri və maraqları təsdiq edir. Dəyərlər və maraqlar elə bir kompleks anlayışdır ki, onlar bir-birindən aralı olduqda inkişaf dinamikasında müəyyən axsamalar ortaya çıxır. Ortaq maraqları isə liderlərin qətiyyətli mövqeyi və siyasi iradə müəyyən edib təminat altına alır. Prezident İlham Əliyevin dediyi kimi dünyada nəinki qardaş, eynisoylu xalqlar və ölkələr var ki, münasibətləri heç də ürəkaçan deyil.

Özbəkistandakı Heydər Əliyev adına Azərbaycan Mədəniyyət Mərkəzinin növbəti layihəsi ilə “Vikipediya” Beynəlxalq Elektron Ensiklopediyasında Azərbaycanın əsas hissəsini Naxçıvan Muxtar Respublikası, Naxçıvanı Türkiyə ilə, Avropanı Mərkəzi Asiya və Çinlə birləşdirən “Zəngəzur dəhlizi” adlı özbək dilində bölmə istifadəyə verilib.

Bölmədə qeyd olunur ki, Zəngəzur dəhlizi Tərtər və Arpa çaylarının yuxarı axarlarından Araz çayınadək gedib çıxır, uzunluğu təqribən 130 km, hündürlüyü isə 3904 metr olan dağ silsiləsi bütün Zəngəzur mahalı boyu uzanır.