Misirin “Əl Masr Əl Yom” nəşri Ermənistanın minaladığı Azərbaycan ərazilərinin xəritəsini təqdim etməkdən imtina etdiyini yazıb.
Xudaferin.eu AZƏRTAC-a istinadən xəbər verir ki, məqalədə Azərbaycan Xarici İşlər Nazirliyinin Beynəlxalq Mina Xəbərdarlığı və Mina Aksiyasına Yardım Günü ilə əlaqədar Ermənistanın bu əməlindən narahatlığını ifadə etdiyi vurğulanıb.
Misir nəşri diqqətə çatdırıb ki, Azərbaycan XİN-in bəyanatında minalanmış ərazilərin əsgərlərin və mülki əhalinin həyatı, habelə ictimai təhlükəsizlik və insanların məskunlaşması üçün təhdid olduğu qeyd edilib. Əlavə edilib ki, Ermənistanın bu hərəkəti beynəlxalq humanitar hüququn kobud şəkildə pozulmasıdır. Minalanmış ərazilər yüz minlərlə məcburi köçkünün işğaldan azad olunmuş torpaqlarda öz doğma evlərinə qayıtması istiqamətində işlərin həyata keçirilməsinə də mənfi təsir göstərir.
Oqtay Bayramov
Xudaferin.eu