Activities calendar

Sudanın Bakıdakı səfirliyi bu ölkənin müstəqilliyinin altmış yeddinci ildönümü münasibətilə ziyafət təşkil edib.
Səfirlikdən AZƏRTAC-a bildirilib ki, ziyafətdə Azərbaycanda yaşayan Sudan icmasının nümayəndələri və onların ailə üzvləri iştirak ediblər.
Səfirliyin müvəqqəti işlər vəkili Mustafa Abdel Halim tədbirin əhəmiyyətindən danışaraq qeyd edib ki, Sudan Afrika qitəsində müstəqillik əldə edən ilk ölkələrdən biri olub. Sudan, həmçinin Afrikanın digər ölkələrinin azadlıq hərəkatlarına dəstək verib.

Azərbaycanlı qeyri-hökumət təşkilatlarının nümayəndələrinin, ekofəalların və könüllülərin Laçın-Xankəndi yolunun Şuşa ərazisindən keçən hissəsində təşkil etdikləri etiraz aksiyası davam edir.
Xudaferin.eu AZƏRTAC-a istinadən xəbər verir ki, aksiyaya baxmayaraq, Rusiya sülhməramlılarına məxsus avtomobillər Laçın-Xankəndi yolunda maneəsiz hərəkət edirlər.
Bu dəqiqələrdə Xankəndidən Laçın istiqamətinə doğru hərəkət edən Rusiya sülhməramlılarına məxsus növbəti üç minik, iki təminat və bir media avtomobilinin aksiya ərazisindən maneəsiz keçidi təmin olunub.