Türkiyə və Suriyada zəlzələnin baş verdiyi ərazilərdə insanlara yardım məqsədilə Pakistandan qış çadırı və isti geyimlərlə dolu 16 yük avtomobili yola düşüb.
Xudaferin.eu AZƏRTAC-a istinadən xəbər verir ki, avtomobillərin yolasalma mərasimində Pakistanın təhsil naziri Rana Tanvir Hüseyn, Türkiyənin Lahor baş konsulu Əmir Özbay və digər rəsmilər iştirak ediblər.
İran üzərindən Türkiyəyə gedəcək avtomobillərin 10 gün ərzində zəlzələ bölgələrinə çatması planlaşdırılır.
Xatırladaq ki, Pakistan fevralın 7-dən Türkiyəyə yardım üçün 10 təyyarə göndərmişdi. Bu yardımlar biri Türkiyə Silahlı Qüvvələrinə, üçü Pakistan Hərbi Hava Qüvvələrinə, altısı isə Pakistan Beynəlxalq Hava Yollarına aid olan təyyarələrlə aparılıb.

Xudaferin.eu